Mighty Buildings

Tungkol sa kumpanya

Ang Mighty Buildings ay makabagong construction technology company na nakabase sa Oakland, CA na gumagawa ng maganda, sustainable at de-kalidad na mga bahay gamit ang 3D printing, robotics at automation. Misyon nilang magkaroon ng positibong epekto sa kalikasan, sa mga lokal na komunidad at sa krisis sa pabahay sa pamamagitan ng kanilang sustainable na pamamaraan.

May potensyal ang teknolohiya ng Mighty Buildings na magbukas ng produktibidad na kailangan para sa malakihang konstruksyon, kasabay ng pagkakataong bawasan ang emisyon, na hahantong sa mas sustainable na produkto at kinabukasan. Itinatag ang Mighty Buildings ng isang team ng mga physicist at robotics engineer na may malawak na karanasan sa paglutas ng mahihirap na problema sa R&D at sa pagbuo ng matatagumpay na engineering firm. Nagsimula sila sa pag-imbento ng bagong materyal, isang 3D printing tech na nagbigay-daan sa pag-print ng buong gusali, hindi lang ng mga pader, sa iisang cycle. Hindi tulad ng kongkreto, mas magaan ang materyal ng Mighty Buildings, natatanging naproseso (natatabas at napuputol) ng mga robotic arm, at may mataas na thermal insulation. Dahil dito, nakakagawa sila ng prefab na pabahay kung saan hanggang 80% ng operasyon ay automated.

Halos zero ang waste sa proseso ng produksyon ng Mighty Buildings, at napipigilan nito ang 1,100 - 2,000 kg na CO2 emission sa bawat 3D-printed na bahay. Nakatuon silang makamit ang Net-Zero pagsapit ng 2028, kaya 22 taong nauuna ang kompanya sa construction industry.

Sertipikado ang kompanya sa ilalim ng Factory Built Housing program ng California para bumuo ng mga unit gamit ang 3D printing, at sila rin ang unang kompanyang nakakuha ng sertipikasyon sa ilalim ng UL 3401 standard para sa pagsusuri ng mga istruktura at assembly ng gusali.

Mga paksa